Al Tayseer International Co

ابغا اعرف مدى مصداقية الشركة لانو نفكر نشتري من عندهم شقة في جوهرة حراء بس احنا شاكين فيه للنو ماعندهم صكوك ودرعه فنبغا ناس يكونو مجربين هدي الشركة فرجاء صارحوني بالحقيقة قبل لا نوقع بعيد الشر في فخ النصابين والقنون لايحمي الطيبين

أنا اشارك الأخوان في انتقادهم لشركه التيسير وبالذات اني تعاملت معاهم قبل كده وفشلوني مع عميل بس للأمانه شغلهم بعض الأحيان كويس اكثر من غيرهم وتشطيبهم برضوا كويس واسعارهم كويسه اما تعاملهم فيه شوفت نفس وانصح اي احد يبغى يتعامل معاهم ما يخذ شقه من عندهم الا بعد ما يصدر صكها وتكون مذروعه جاهزه ...

من اسوء الشركات وتعاملهم مع الزبائن غير جيده والخدمه تتاخر عدد مرات وكل همهم جمع الفلوس واسعارهم غاليه بدون فائده ولا انصحكم به ابدا ابدا

تمنح الشركة العميل مرونة شبة مطلقة في تكييف الوحدة السكنية وتعديلها بما يتناسب وحاجياته الإجتماعية وتمنحه كامل الحق في اختيار الديكور الذي يناسبه ويرضي ويشبع حاجته النفسية، العميل في شركة التيسير يمنح الحق في متابعة تنفيذ المبنى منذ بدايته مما يعكس رضاه وقبوله.

وكمان عندهم يستلم العميل مع العقد بطاقة مواصفات البناء والتشطيب وهذا يخليه مطمئن وعارف بالمعايير والمواد المستخدمة مما يقلل أو يعدم أي خلافات في هذا الصدد.

والشركة تمنح العميل كرت ضمان عن طريق المقاول المنفذ ، على المسلحات والسباكة والكهرباء.

شركة التيسير الدولية مركزة نشاطها في القطاع السكني ، وفي مدة قصيرة أثبتت وجوداً قوياً في هذا السوق وحققت اسماً تجارياً مميزاً

، التعامل معاهم سهل رغم ان بعض الناس يقولو غير هذا الكلام.

الشركه ماتمنح العميل الحريه في تشطيب الشقه بل بالعكس هي من يضع الوان البويات والشقه كلها بلون واحد غير عن الشقق الاخرى في الشركات الاخرى تتميز بالابداع في الوان البويات والوان الجبس ،اضف الى ذلك الحمامات اعزكم الله بدون مرايات ويقولون انها ليس من مسؤولياتهم ،وكذلك بدون سخانات ، المجلس والمقلط (غرفة الطعام ) بدون باب فاصل اطار فقط بامكانهم الابداع في اختيار ديكور رائع وملفت لكن ......

وتبغوا الصراحه كويس اللي ماحطوا باب لانو نوعية الابواب اللي حاطينها من اردى الانواع اللي مجوفه من جوا هواء ، طبعا ولايخفيك الاوكر وانت تفتح ولا تصك الباب تحسها بتطلع في يدك من خفتها ،اقول ايش ولا ايش الكلام اللي كاتبينه الاخوات :سمر وهيا واميره للاسف مبالغ فيه في المدح وانا اعتبره تدليس

ابغى اعرف ضمان السباكه يشمل المواصير الداخليه لكراسي الحمامات اللي حاطينها مقاسات صغيره ومقاس كرسي الحمام اكبر لدرجة التصريف يطلع لبرا الله يكرمكم او من ورا الكرسي ؟؟؟؟؟؟؟؟

يالله رد علي ياللي مسؤول عن الشركه يسير نحط مواصير اصغر من بوديهات الحمامات ؟؟؟؟؟

السلام عليكم اختي انا محتاجه اسمع اراء عن دي الشركه لانه شفت شقه في مخطط القدس تحت التشطيب سعرها 710000 وكلمنا واحد من الشركه جلس يقنعنا انو احنا نهتم بي بالداخل من هيكل المبنى والسباكه اكتر من الديكور بس طبعا هده بياع ولازم يقول كده بس بدي اسألك استلمتوها ولا لسه وفين شقتكم في جوهره حراء بالزبط؟؟؟ وايش العيوب اللي واجهتوها في الشقه نفسها؟؟؟ الله

شركة نصابه بمعنى الكلمه ،لوتبغى تقابل المسؤولين ماحتلاقي ولا احدمنهم كل واحد يتهرب ويغطي على الثاني ،بالنسبه للتشطيبات كلها من اردى المواد وارخص الصناعات جايبينها من الصين طبعا بالجمله ولاتناسب البيئه السعوديه مثل(الأبواب - مقابض الأبواب - السيراميك - الألمنيوم - ادوات السباكه - الأدوات الصحيه - البويات - وغيرها الكثير والكثير اتعب وانا احدد) وغير كذا كمان العماير سايبه ولاعليها رقابه

واكثر العمال من غير اقامات وكل بعد فترة تلاقي عامل

ويتفلسف ويقول انا الكل في الكل تجي تبغاه ماتلاقيه

ولاصيانه ولايحزنون كله كلام دعايات وتسويق على الفاضي ،تخيلوا انا اشتريت شقه من مخطط جوهرة حراء من عمايرهم طبعا من سنه تقريبا والى الآن ماطلعوا لي الصك ودافعه مبلغ نصف مليون ريال تقريبا

وغرفة السواق الى الآن لم تخلص شغل ،ايش رايكم بالله هذه شركة ثقه ؟؟؟؟؟؟حاولنا مرارا وتكرارا مقابلة صاحب الشركة لم تفلح محاولاتنا وراسلناه ولااحد اعطانا وجه مااقول الا حسبي الله ونعم الوكيل فيهم

والله يجعل الفلوس اللي اخدوها نار في بطونهم ولايهنيهم فيها الى يوم الدين .