Al Wadaa

المكان منح يث الجلسه والجو العام ممتاز

اما بالنسبه للاكل للاسف كان كانه بارد ومسخن حتى البطاطس المقليه ماتتاكل

تجربه سيئة لن اكررها

وحدة قريبتنا سوت زواجها في مطعم الودعة ,, ادري مستغربين بس حركة مرة حلوة

كان الزواج من 3 العصر لين 8 الليل ,, الفكرة مرة حلوة والمطعم ماكان مقصر مجهز كل شيء ,, طبعا هم حجزوا المطعم كامل عشان محد يدخل ,, والمنظر قدام البحر مع الزواج مرة واو :$

المطعم اصلا حلو ومميز وانصح فية

ماعجبني المكان جلساته ماهي مريحة أبدا وأسعارهم غالية مقارنة باللي يقدموه ..

الخدمة سريعة جدا لدرجة انه البيتزا وصلت قبل الموية بس ماعجبتني كانت صغيرة وتشبه كل شي إلا البيتزا ..

الموظفين كانوا طفشانين ومكشرين شكله المدير مهزأهم عالآخر ..

ريحة شيشة الجراك مالية المكان لأنه في زباين كانوا طالبينها وريحتها مزعجة جدا

ديكورهم قديم بحكم انه المكان صارله زمان .. المواقف كثيرة وواسعة ..

ماحبيته بصراحة ..

المطعم أول شيء إطلالة على البحر يعني منظر وإطلالة جميلة وديكورات المطعم روووووعة والجلسات مكيفه وفي جلسات على البحر وهذه ما أحبها أيام الحر لكن أيام البرد تكون شيء جنااااااان

خدمتهم حلوه ومايتأخروا في الطلبات وماعندهم زحمة باستمرار وأكلهم حلوو لكن أسعار المأكولات البحرية شوي غالية أما بقية الاسعار متوسطة وبرمضان يعملوا بوفيه مفتوح سحور وفطور والأكلات اللي فيه متنوعة

النظافة عندهم ممتازة ونظافة المرفقات العامة كمان ممتازة

مكان جميل جدا مفتوح على البحر رومنسي خاصه اخر الليل ويذكرني بزواجي اكلاته حالوه مررره ونظيف والخدمه حلوه

مطعم الودعة اطلالته جميلة والنظافة عندهم مية المية والخدمة حلو وممتازه والديكور جميييييييل والأكل لذيذ وأسعارهم متوسطة عندهم مأكولات بحرية ومشاوي مميزين فيها

انصح بزيارته

مطعم جدآ رررروعة خصوصآ ان موقعه على البحر ممتاز مرة والجلسات فيه مميزة

اغلب الاكلات فيه تكون بحرية ولذيييذة مرة والمشويات كمان لذيييذة

الاسعار مرتفعة لكن خدمات المطعم جيدة

انصحكم تزوروه.

والله مطعم جميل .. اسعاره شويه غاليه يعنى سعر قاروة ميه نستله لتر ونص 11 ريال؟؟...بس الخدمه حلوه وسريعه.. ونضيف جدا ومعاملتهم ممتازه.. والطلبات بتيجى من غير تأخير

اجمل حاجه فيه موقعه..والبحر...و الجو العام مبهج وتحس فعلا انك اتبسطت وغيرت عن خروجات الموول التقليديه..

يعنى من الآخر روح وانبسط وحاول وقت ما يجى الحساب متضايقشى نفسك...هههههههههههه

مطعم ممتاز جدا جدا وسعره مناسب بالنسبه للفطور او السحور وهو عبارة عن مطعم مطل اطلاله كامله علی البحر الاحمر ويقدم بوفيه مفتوح متنوع وحلويات

مطعم الودعة من المطاعم المفضله بالنسبه لي

فهو يتميز بإطلاله ساحره على البحر الاحمر

فما اجمل الوقت الذي تمضيه مع العائلة وخصوصا اثناء وجبة الافطار فلا تستطيع ان تفوت تلك الاطلالة اثناء غروب الشمس

وما اشها مأكولاته المتنوعة وخصوصا المأكولات البحرية الي يتيز بها

وياله من وقت تمضيه مع العائلة بعد وجبة الافطار في شهر رمضان مع مشروباته الساخنة والباردة التي تشعر بالاسترخاء

وايضا يتميز بجلساته المريحة سواء كانت في الهواء الطلق او في الداخل

انه مكان ساحر ذو طابع خاص يتميز بجوه الجميل والمريح

وانصحكم بزيارته

^_^

ممتاز جدا بس بعدو عن البوفيه المفتوح ......... احلى اكلات بحريه في جدة فخم ويرفع الراس لمن اعزم ضيوفي عليه بس يرجع يكسر راسي لمن يجي وقت الحساب

مطعم رائع يقدم افضل الانواع من الاكلات اللبنانيه الشهيه ويقدم ايضا اكلات بحريه والمطعم نظيف والخدمه ممتازه واسعارهم مقبوله و انصحكم بزيارته

زيارتي لمطعم الودعة كانت مميزة لاني رحت مع اعز صديقات لبا

الجلسة كانت مرة حلوة لان منظر البحر من هناك رائع لابعد الحدود

الاسعار غالية شوي لكن الخدمة ممتازة .

مطعم راقي بكل ماتعنيه الكلمة

يقدم لمرتادية الرفاهية المطلقة

البوفيه منوع ولذيذ

الخدمة جيدة وتعاملهم ذوق

بنصحكم تجربو المطعم لانه يستاهل التجربة .

الودعة معروف وغني عن التعريف

عندهم الاكل اللبناني على اصوله

وجلساتهم تجنن وحتى الخدمة ممتازة لكن عيبهم الاسعار غالية مرررة .

من اروع الاماكن يلي روحتها ،

الاكل ممتاز و القعدة رائعة بس الاسعار غالية شوي

الخدمة سريعة و اليتاف مهذب و منيح

المكان اكثر من رائعا

الاكل حلو وخصوصا المشويات والمقبلات

نظيف ومرتب وهدواء ويشعرك بالراحة والاستراخاء

سعره فيه بالنسبه لمكان رائع هو غالي شوي بس المكان ممتع

والخدمة ممتازه جدا

انصحكم بتجربته

انا رحت المحل اكثر من مرة - غصب - وعموما المكان نفسه حلو خاصة مع جو ومنطر البحر - بس الاكل من جنبها - سواءا مينيو ولا بوفيه. انا انصح الناس يروحوا الكوفي اللي تحته - اظن اسمه الامواج - تستمتع بمنظر البحر وتشربلك عصير ولا سخن ازين لك

حلو مرتب نظيف

هادي و رايق

مريح جدا المكان

مو زحمة غالبا

حلو في النهار

المأكولات جيدة

الخدمة جيدة

الأسعار مرتفعة نسبيا

أنصح بزيارتو

كتير حلو المطعم القعدة والديكور جنان والاكل كويس

الاسعار شوي غالية بس يستحق التجربة