Forchetta

المطعم رائع للي يحبون الاكل الايطالي

عندهم باستا بانواعها وبيتزا لذيذه وخفيفه

واكلات ثانيه

بشكل عام المكان هادي وجميل والخدمه اكثر ۾‿ڼ ممتازه

يستحق التجربه

اكلهم لذيذ جدا

ورحت له كم مره وعادي جدا اروح له كره ثانيه

احب الفتوشيني حقتهم واللزانيا بعد

لي فتره ما رحت له ما أعرف أذا فيه تغيرات كثير

والنظافة كانت جيده والأسعار زي أي مطعم ايطالي

مكانه كان مريح وخدمتهم جيده

انا احب اكتب عن هذا المطعم لاني للاسف ما اظن اني ابغى ارجع له مرة ثانية والاسباب هي ان المطعم يفرض على كل شخص ان يدفع مبلغ 50 ريال واذكر اني رحت انا واهلى وقال لنا الجرسون اذا كان طلب الشخص فيكم اقل من 50 ريال ما نزل طلبات قال له رفيقي واذا ما لقينا الى نبغاه عندكم قالنا الجرسون خلص ما نقدر نزل لكم اي نوع من الخدمات او الطلبات المهم طلبنا لان الوقت متاخر ما يمدينا ندور على مطعم ثاني الاكل عندهم مرة قليل وما يكفب ابد واذا الواحد جوعان لا ما يروح عندهم ابد لان يطلع من عندهم وهو مرة جوعان اكثر من قبل والنظافة طبعا اكثر من العدم بشوية الوسخ مرة كثير على الطاولات والكراسي وبعد عندهم كنب الله مرة الوسخ واضح عليهم والله لو جت الجلسة حقتك بجنب المكان الى يشتغلون فيه العمال الله على قمة الازعاج الى عندهم مرة يعور الراس الصجة حقتهم الطلبات نوعا ما تتاخر ما تنزل بسرعة بس بصراحة الديكورات عندهم مرة حلوة ويشد الى يروح عليه من حلاوة الديكورات لكل عائلة خصوصية وتقدر تاخذ راحتها بالجلسة لان الدور الاول للعوائل الاكل لا زين ما به شي الى حنا طلبنا مرة كان طعم

واروع شي ان مكان المطعم مرة بعيد عن الزحمة الى موجودة داخل الرياض اكثر شي مزعج عندهم الفرض حق 50ريال هذي اذكر وحنا جالسي المدير بس يتهوش شوي هنا وشوي هناك مع الزبائن المفروض انهم يكتبون هذا الكلام ويوضحونة للزباين مهب الوحد من ما يدخل وهو ما يدري وبعد كذا ينصدم اذكر كان في زبون جالس على الطاولة الى قبالنا وجلس يصارخ ان هو ما بغى يكمل 50ريال حقت الطلب بس ما خلوة يطلع الى لما اخذ ب50 ريال وتهاوش مع المدير لان طلب باقي المبلغ تيك اوي وحصل مع العائلة ثانية نفس المشكلة وكل عائلة تحسهم يبغون يراضونها بالحلى الى يقدمونه بعد كل هوشه انا ما راح ارجع عندهم خدمة الاصطفاف متوفرة عندهم

بس ابد ما انصح فيهم

اكل عندهم زين والجلسة جدا مريحة والاطباق الى يقدمونها ما احس انها مكررة بالعكس احس لمستهم فيها الخدمة جدا سريعة انا انصح بالتجربة

مرحبا جميعاً صراحه لما قرأت التعليقات ما تشجعت أروح له بس قلت عشان خاطر زوجي بروح له وكنت أتمنى أروح لمكان رومنسي ورائع بمناسبة إني بقدم شئ مميز لزوجي ....لكن لما رحت له أنصدمت صراحه كان فعلاً فوق الخيال ورمنسي جداً والجو فيه روعه والإضاءه حلوه جداً جداً والمينو لذيذ ومنوع ...طلبنا سمك مشوي وباستا ومقبلات ساخنه وما كثرنا بالطلبات وبنفس الوقت شبعنا واستمتعنا بلذته وسعره فاجئ زوجي ...كان حلو السعر ومو غالي ابداً الديكورات فيه تهبل والخدمه روعه والأكل ما تاأخر علينا أبداً ونظيف المكان وقبل ندخل المطعم لقينا موقف قدام المطعم مباشرة ما احتجنا نروح بعيد ...أنصح الأزواج كثير يروحون له ....وشفت فيه عوايل واطفال بنفس الوقت كانو بعيدين عن اماكن اللي فيها ازواج وافراد ...بالتوفيق لهالمطعم

اخر مره زرته قبل سنتين كان اكلهم لذيذ خصوصا البيتزا واللزانيا عليها طعم خيال والاهم ديكوراتهم مررره جذبتني كان مطعم جميل وان شاء الله اعيد التجربه

مطعم فوركيتا مطعم ايطاالي اغلب الاكلات اللي فيه بيتزا ومكرونه (باستا واسبقاتي وفوتشيني ) وشوربات وسلطات ~

أكلهم رائع جدا ولذيذ ، خاصه الفوتشيني والسلطات وكذلك الشوربه

والمكان رايق جدا حتى الأماكن مسكره بطريقه حلوه بحيث ان المرأه تفتش وتاخذ راحتها وكبير

اسعارهم جداااا جدااا معقوله يعني مناسبه

مطعم ما اشوف فيه سلبيات ابد يمكن موقعه ان محد يروح هناك كثير ومو جهة مطاعم ..

يعني بجد بجد مطعم متكامل من ناحية الاكل والاسعار والجلسات

كان اسمه قبل المذاق الايطالي بس مدري ليه غيره :D

موقعه بطريق خريص بعد جرير

خلف كرسبي كريم