Optical World Center

بسم الله الرحمن الرحيم .. ان شاء الله رح اعطيكم رأيي على هذا المركز .. وان شاء الله يعجبكم ..

اولا انا هذا المركز صراحة هو الوحيد تخيلوا في الرياض كاملة الي اشتري من عنده نظارات انا واخواني وحتى ابوي .. طبعا ابوي هو الذي كان يروح عليه دايما وحنا صرنا مثله دايما نروح عليه .. المركز طبعا غير مشهور في الرياض مثل مغربي او بركات .. او المحلات الراقية الأخرى .. هو طبعا يعني ما يعمل خصم على النظارات لكن رح تعرفوا ليش انا اروح عليه دائما .. اولا المحل انا من زمان يعني وانا في الإبتدائي تقريبا صف خامس او سادس اروح عليه .. محله صغير واظن انو فرع واحد فقط في الرياض لكن يا شباب الي يخليني اروح عنده هو الرجال الطيب الي يبيع النظارات .. قسم بالله لو دورت على محل نظارات ما رح تلاقي مثل هذا الرجل ابدا تعامل مش طبيعي .. الرجال مصري متدين .. بس ماشاء الله عليه .. اولا اذا جينا عنده يجي يسألنا كيف حالكم اخباركم جلسة نسولف معاه .. ثم بعد كذا نروح نفحص كم صار النظر عندنا في الغرفة المعدات بسيطة جدا .. يعني مافي تقنية .. بس النتائج دايما صح لأن الرجل فاهم في هذا المجال فاهم .. لما اخلص طبعا ادور على نظارة .. قسم بالله يا شباب انه يقوم معنا يفتح كل شيء يطلع كل النظارات يقولنا اختاروا حتى ويقولك حلوة عليك ولا لأ .. مناسبة للوجه ما تنكسر قوية .. الرجل هو الي خلا المحل رائع .. بعدين ظريف يمزح معك .. النظارات في اي محل رح تلقاها غالية لكن اذا محل يعمل خصم مثلا 60 % او 70 % يعني انا غير مقتنع تماما في المحلات الثانية .. خبرة الي يعملوا هناك ضعيفة .. ومارح اكذب عليكم جربت مرة عند بركات اظن او مغربي الرجل سيء ما يعرف يحط القياسات ولا شيء .. يعني يضيع نظرك ويعطيك قياسات خيالية .. المهم لما نجي عنده عشان نشتري خلاص كل واحد اختار نظارته .. مصلا سعر الوحدة حسب الماركة حقتها ممكن يصل ل500 او 600 ريال طبعا اذا كانت ماركة مشهورة في ب200 وب100 كمان لكن لما تحاسب يبدأ يعملك خصم عليها .. وخصم مرتب يعني مثلا من 500 ل 350 هذا والمحل مافي عليه خصم اصلا لكن الرجل حبيب .. في سعوديين يجون عنده دايما ليش مب عشان اشتري عشان الرجل هذا فقط .. الله يذكره بالخير .. جربوا فقط معاملة الرجل ورح تشوفوا انه رجال فاهم وعارف الشغل صح .. وشكرا للجميع ..