Set Al Sham

غالي كثير ع مستوى الاكل والخدمه

مطعم سئ جدا جدا جدا. مايستاهل الزيارة واكلهم قمة في القذارة والخدمة

المطعم هذا كم مره اروح له راقي جداً وجميل .، ولكن في هذه الفتره قامت الشؤن الصحيه بالبلديه بإغلاقه , لانهم وحللو الاطعمه ووجدو فيها فايروس الكبد الوبائ الخطر اللي ماينتشر الا عن طريق اللعاب او البراز اكرمكم الله

سكرته البلدية قبل كم اسبوع

This restaurant has good lebaneese food ...............

nice place for lunch or dinner .. business lunch .. family gatherings for dinner ......................................

has the option of open area and closed area ...... gives the customer the option .. clean so far ...... friendly attitude from the waiters & good diversity in food .. the only thing i didnt like about is that the place is very quite !!!! .... كل شي فيه ممتاز و مميز من ديكور و استقبال و خدمه تفتح النفس و تحسسك إنك في الشام >>> أجواء شامية بامتياز

موقعه جيد في شارع الثلاثين في وسط الرياض ..... منطقة حيوية

أنصح به للعااائلات .. و للزوار من الغير عرب لانه تجربة مختلفة

أسعاره معقولة

احب اروح عندهم من روعة الديكورات والاستقبال التنوع عندهم واضح بالقائمة احب من عندهم العرايس بالحمة رهيبة لها طعم خطير يقدمون السلطات بعد بشكل مميز ويفتح النفس بعد انا انصح فيهم مع العلم ان الاسعار عندهم غالية بس والله يستاهل

مطعم في غاية روعة الديكورات تحس نفسك جالس باحدا حارة الشام والنظافة اكثر من روعة وانت جالس تحس براحة نفسية رهيبة الخدمة احسها بطيئة شوي يمكن مع زحمة رمضان يعملون بوفيهات راقية جدا وكل ما لذا وطاب عندهم يحطونه بالبوفيه الجلسة غاية بالهدوء والخصوصية عندهم جلستين وكل وحده اروع من ثانية المطعم شوية غالي بس اكلهم يستاهل حنا وحنا العائلة كلها مكونة من ست اشخاص طلع الحساب 700ريال لانه بوفية الافطار النظافة قمة بالروعة انصحكم بالمشاوي والعرايس اللحم والمقبلات من تبولة وفتوش والحمص والمتبلات انصحكم بالتخربة

مطعم جميل جدا و خدمة رائعه يقدم طعام شامي ويتميز بنضافة الاكل و المكان و توع الاكل عنده الديكور جيد جدا اسعاره مرتفعة قليلا ولكن يعتبر جيد من فئته ولكن مشكلته في مواقف السيارات

مطعم ذو طابع شامي في الديكور والمأكولات

ديكور فخم _ نظافة و ترتيب _ المذاق جيد لكن لا يستحق السعر الغالي المعتمد عندهم

غرف مفتوحة و مغلقة لكني وجدت أن الغرف المغلقة بأبواب خشبية قصيرة بعض الشي فكل من يمشي يستطيع رؤية من بالغرفة

لكنه بشكل عام مطعم ذو جو دمشقي فاخر خاصة في رمضان يبهجنا بأجواء القناديل

سأجيب عن الأسئلة المطروحة هنا

- قمت بطلب مقبلات و محاشي

- جودة و نظافة المطعم ممتازة

- قائمة الطلبات متنوعة

- الديكور شامي فخم كأني من بلاط قصر دمشقي والاضاءة قناديل جميلة + موسيقى فيروز تنقطع وقت الآذان

- لا يوجد منطقة خاصة بالمدخنين

- الأسعار عالية مقارنة بالأكل المقبول ليس مميز المذاق

7.خدمة الزبائن وسرعة تلبية الطلبات.

جيدة

8.كيف كانت خدمة النادل؟

ممتازة

9.هل الطعام اللذي يقدمه صحي؟

حسب ما تطلبه

10.هل لديه خدمة السفري والتوصيل المجاني؟

سفري لكن توصيل لا اعلم

11.هل يوجد فيه أماكن مخصصة للأطفال؟

لا

12.أماكن الاصطفاف.

غرف مفتوحة + غرف مغلقة

مطعم جيد جدا ....... و طعامه كذلك يتميز بقائمة متنوعة من ماكولات بلاد الشام .............. أجواءه شامية جدا بامتياز ..........ونظافه ممتازه ... وخدمتهم ممتازه

مطعم اكثر من رائع يقدم المأ كولات الشامية وكانها طبخ البيت كلما اشتقت الى طبخ امي اذهب الى هناك حقيقى الطبخ لديهم مرررررررررررررة لذيذ وطيب ضمن اجواء دمشقية رائعة تنسيك حرارة الفاتوره نصيحة للعزابى اذا اجى على بالهم اكلات شامية ان يذهبوا هناك ولو مره بالشهر

انصح بزيارته بشهر رمضان لان اجوائه تكون احلا وانه مكان رائع بتصاميمه الشاميه والبحره القديمه ويتميز بالبوفيه المفتوح عن غيره بتقديمه لجميع الشوربات والماكولات الشاميه وانه ممتاز جدا بالنظافه وسريع بتلبية الطلبات ومن وجهة نظري انهلاينقصه شي لانه كامل مكمل.

مطعم مرة روعة واجمل شي عندهم البوفية المفتوح الى يعملونة يوم الخمس والجمعة الديكورات كلها شامية تهبل الاسعار مرة غالية بوجهة نظري بس على فخامة المكان وجودة الاكل الى عندهم يستاهلون انا انصح فيهم

مطعم ست الشام يتميز بموقعه المميز في العليا ومواقف السيارات تحت الارض وهناك موظفين عند بوابة المواقف لتسهيل اصطفاف السيارات ويقومون بفتح الابواب وفتح باب المطعم وهناك موظف يحمل المدخن وريحة البخور تملأ اجواء المدخل .. وعند ركوب الأصنصير تنتقل إلى عالم الشام وعبق الشام الجميييل .. ثم هناك خيارات عديدة للجلسة وكلها روووووعة الاضاءة والطاولات والكراسي وكأنك في قصر من ألف ليلة وليلة .. والمطعم عنده خدمة البوفية المفتوح يومي الخميس والجمعة والاكل روعة المقبلات والشوربات والاطباق الرئيسية والحلويات .. بصراحة مطعم يستحق التجربة ..والتجربة خير برهان .. وانصح الجميع بالذهاب وتجربته وأكييييد ما حيندموا ابببدا ..

الاناره في المطعم كلها من الزجاج الملون والنحاس معلقه في سقف المطعم او على جانب الممرات بشكل رائع والاضائه مع الزجاج الملون عامله جو رومانسي رايق وعلى كثر الزباين ماسمعنا اى ازعاج ..

المهم اخترنا غرفه الاثاث كله مزخرف وكراسيهم ماهي كراسي عاديه قسم من الجلسه كنبه كبيره والقسم الثاني كراسي مثل الكنب مثل الاثاث التركي القديم وكل غرفه فيها حوض نباتات واناره خافته والباب سحاب يتقفل بكل هدوء .. وزوجي سالهم لو كان عازم عائله كبيره عندهم غرف للعائلات الكبيره قال في وممكن تشوفها رحنا شفنها وكانت بمستوى الغرف الصغيره ..

الحين نيجي للاكل الاكل يوم الجمعه يكون بوفيه مفتوح مافي طلبات غير ايام الاسبوع لكن خميس وجمعه بوفيه

رحنا للبوفيه تشكيله حلوه من السلطات الشاميه تقريبا 15 نوع تحتار ايش تختار

القسم الثاني الاكلات الشاميه المعروفه كبه ومعجانات وقمح بالحم المفروم وانواع رز ومشاوى ومكرونات

وعندهم شوربه بعد مع البوفيه

العصير طبعا طلبنا عصائر طبيعيه توت شامي وليمون

نيجي لطعم الاكل الاكل طعم ونظيف مثل نظافة المطعم وماينشبع منه الصراحه

المطعم بهرنا جدا بديكوره وتصميه والخدمه بالمطعم كل اشوى يسالون لو في شئ ناقص يسونه او لو كنا نبغي نطلب اى شئ اضافي

بعد الاكل عندهم قسم خاص للحلويات وهذا يكون ضيافه من المطعم وهو عباره عن حلويات شرقه وكاسات صغيره فيها المحلايه حقت الشام مثل المهلبيه عندنا

والمطعم بكل شي فيه نظيف ودورات المياه اكرمكم الله نظافه شئ روعه مافي ريحه غير ريحة المعطر المغاسل على الطراز القديم

قبل الحساب زوجي قاله ممكن اشوف قائمة الطاعم عندكم لو حبيت اجي ايام الاسبوع نشوف ايش تقدمون

القائمه كبيرة ومزخرفه وحاطينها داخل مغلف جلد رايق وشفنا الاسعار تبغون الصدق غاليه يعني صحن الكباب المشوى 80 ريال والاكلات الى مثل الطبخ كل صنف له سعر الى افتكره مثل المسقعه بالمكسرات 90 ريال ..

طبعا انا وزوجي دفعنا مبلغ 420 ريال 150 الشخص للبوفيه 120 ريال عصير وخدمه.العصير اى نوع 15 ريال السماح بالتدخين داخل المطعم ماعرفت عنها شئ لان زوجي مايدخن

والتوصيل عندهم خاص بالحفلات والولائم يعني لو عندى حفله اطلب منهم الاكل وهم يقومون بالتوصيل والتجهيز كامل للحفله

موسيقي ومشروبات روحيه الحمد لله ماعندنا الشئ هذا بالسعوديه

والجزء الى يخص الاطفال ماعندهم مكان مخصص للعب الاطفال مثل المطاعم حقت الوجبات السريعه

ومثل ماستقبلنا بابتسامه عند دخول المطعم ودعنا بابتسامه مثلها عند الخروج ودعوه لتكرار الزياره

حاولت الاقي عيب بالمطعم مالقيت الصراحه ،، من جد جيراني اشكركم على ذكر تجربتكم مع ست الشام لاني استفدت منها كثير واشكر هذا الموقع الرائع الى عرفني على اشياء واماكن ماكنت اعرف عنها شئ بالرياض

انا طبعا جديده بالموقع وقمت بتصفح الاماكن الى زرتها والاماكن الى مازرتها اخذ رائ الناس واشوف نصائحهم لفت انتباهي مطعم اسمه ست الشام وقرائت جميع النصائح منها الى يمدحه ومنها الى يقول انه غالي

المهم قلت لزوجي لازم اجرب المطعم ويوم الجمعه عزمني زوجي عليه

المطعم في ثلاثين العليا قريب من بنده على الشارع العام الحين ببداء اوصفلكم المطعم وتجربتي فيه

المطعم له بابين باب خلفي وباب امامي ..

الباب الامامي الى على الشارع مكتوب عليه انه باب الافراد يعني العوائل مايقدرون يدخلون المطعم منه ومكتوب لوحه العوائل من الباب الخلفي

الباب الخلفي للمطعم جاي داخل حاره تستغرب لمن تدخل الحاره المهم على اليمين تلاقي مكتوب مطعم ست الشام قسم العوائل اول شئ يلفت انتباهك هو الشاب الاسمر الى يدلك وين المواقف الخاصه بالعوائل الموقف ماهو على الشارع المطعم مسوين فكره حلوه الى هي باركينج تحت المطعم الصراحه ماتقول مواقف سيارات نظافه مرتب كل سيارة لها مكان مخصص والموقف مبني من الحجر الملون مثل اى نشوفهم بالمسلسلات السوريه الخاصه بالبيوت الشعبيه القديمه .

المواقف طبعا مجانا ،، يجيك على اليسار غرفه كلها زجاج هذه الغرفه مثل الموقف مبنيه من الحجر وفيها مصعد وفيها نباتات طبيعيه

المصعد من الخارج عادي لكن لما يفتح باب المصعد تشوف شئ ماحصل شفته قبل كذا المصعد كبير يوسع تقريبا 10 اشخاص مزخرف وفي مرايه كبيره الزخارف كلها بالون الذهبي والنحاسي والزجاج الملون المصعد يصعد بالزباين لدور الاول وهو طبعا الدور الوحيد

اول مايفتح باب المصعد تروح كانه ممر وكله زخارف خشبيه ونحاسيه مثل الى داخل المصعد لكن بشكل افخم يشعرك من جد انك داخل احد القصور الشاميه القديمه في حارات الشام

استقبلنا النادل على الباب ورحب فينا وفي عندهم واحد متخصص بلبس شامي يستقبلك بفنجان قهوه عربيه ..

هنا يسالك النادل تحب جلسة مفتوحه ولا مغلقه وكم عدد الاشخاص لو انتا عازم احد معك او لا

انا وزوجي الصراحه قلنا بنشوف الجلستين المفتوحه والمغلقه ونقرر بعدين ..

مشئ معنا بكل احترام تحس نفسك من طريقتهم ان الزبون الى يجيهم شخصيه مميزه ولازم يقومون باستقباله على اكمل وجه .

الجلسات المفتوحه جايه كذا طاولات وكراسي وفي الوسط نافورة مويه صغيره وحولها النباتات الطبيعيه تحس نفسك جالس بحديقه لكن ماجلسنا لان في ناس وزباين كثير بالمطعم زوجي قال بناخذ جلسة مغلقه طبعا

الاكل الى يقدمونة الاكل الشامي المعروف الطعم وزين والموظفين الموجودين عندهم مرة زينين الاكل ذو جودة عالية والمطعم روعة من ناحيةالديكورات والنظافة وتنوع الطلابات في قائمة رائع انا احب عندهم عصير التوت الشامي طعمة مرة روعة انا انصح الكل بالزيارة

بصراحة انا من سكان الدمام ولما رحت هناك جربت هذا المطعم ماكنت اعرف عنة شي ولماجربتة بصراحة طعمة فوق الخيا ل مرة لذيذ واسعارة ارخص من اسعار منطقة الدمام واكلة لذيذ انصح اي احد يروح هناك يجربة وجربت مطاعم ثانية وماعجبني الا اهو وجلستة رهيبة روعة ياريت يفتحون عندنا فرع مثلة بالدمام علشان اروحة كل يوم

اول ما تدخل تحس حالك داخل بيت من بيوت باب الحاره الله على حسن الاستقبال عندهم شي يجنن وبعد كذا تدخل تلاقي النافورة بالوسط المطعم ويقدومن لك القهوة العربية طعمه جنان وبعد كذا يعطوك قائمة الاكل مرة متنوعة وتطلب الى تبغاه ولغاية ما يجي الطلب يقدمون المقبلات الله وشي زين طعمها وش كثر تنوعها انا احب من عندهم عصير التوت الشامي طعمه يهبل والله الاسعار غاليه عندهم يعنى الةجبة حقت ثلاث اشخاص عندهم توصل 550 ريال بس اكلهم والله يستاهل وبعد النظافة والله زينة انصح بالزيارة

مطعم سوري وهو اسم ايضا لمطعم في دمشق وقد سألت الموظفين هل هذا فرع لذلك المطعم فاستغرب الموظف السؤال وقال انه لايعرف ان هناك مطعم في دمشق بهذا الاسم..متأكد انه استحى انهم سارقين الاسم ..او انه فرع لذاك المطعم لكن خجلانين من فارق الاسعار والجوده!!

قبل كل شيء : اسعار المطعم مبالغ مبالغ فيها مقارنه مع الاطباق والجودة ..

يتوفر في المطعم مواقف للسيارات في الدور الارضي .. واستقبالهم جيد .. والديكورات متميزة ..

زرته مرة واحده واخذت عهدا على نفسي الا اعود اليه فهناك مطاعم تقدم اطباقا افضل والذ بخدمة افضل واسعار اقل..ولا انصح بزيارته ..

تقبلوا تحياتي ،،