سينما الرويال

سينما حلوة و مرتبة و نظيفة و مقاعدها مريحة و فيها خدمة الاصطفاف و هي بنفس الفندق و دايما بتلاقي مكان يعني مو معجوئة و كتير حلوة و اسعارها مناسبة و بتعرض اجدد الافلام العربية و الاجنبية و كمان 3d انصح بزيارتها اكيد.

جد مكان جدا حلو ومرتب كتير والواحد جد بنبسطت وهو عم يحضر فيو فيلم جديد بس فيو اشي واحد انو الموظفين الي فيو تعاملهم شوي سيئ

اولا انا بحب الفندق هاد كتييييييير وبحب نظامو

وشكلو والسنما فيه كتير روعه والحلو انها ارخص من غيرها وبتنزل افلام حلوه كتيييير يعني روحو وما بتندمو

انا بحب هاي السنما لانها رايقة و مافيها عجقة السنمات الكبيرة او السنمات اللي بالمولات ... صح الافلام فيها محدودة شوي بس بس خدمتهم مريحة و كونها بفندق مو اي حدا بدخلها

روحت عليها مرتين و المرتين ندمت كتير صغيرة الصالة و طبعا فاضية ما فيها حدا و حتى توصلها بدك معاملة بدك تلاقي صفة او تعطي السيارة لل فاليت، و تفوت الرويال و تتطلع بالمصعد قصة،

لا الصوت و الصورة كانوا واضحين بلكي لأني حضرت فيلم عربي ما بنصح حدا يروح و حتى السياح المقيمين بالفندق ما الهم مصلحة

انا بحب كتير هالسينما لانو بس أروح دايما بكون فيها بس فئة الشباب ما في عائلات وإزعاج متل التانيين ....وانا كتير برتاح لأحضر فيها هالافلام بس مشكلتو الافلام محدوده يعني مش كل شي جديد بلائيه والموقع كتير مناسب يعني أنا بحب اعمل جوله بالفندق لحتى يبدا الفيلم وأكيد المصفات موجوده بما انو الرويال

ما بحبها بالمرة. رحت مرة حضرت فيلم عربي و كانت الصالة كتير صغيرة حسيت حالي قاعد بصالون البيت. و أحلى اشي انو في نص الفيلم عملو بريك. يعني ما كان ناقص غير يحطولنا دعايات كمان.