كوزمو

افضل و ارقى ماركت في عمان هو و مايلز. رائع و ذكي و بضاعة و منتجات ممتازة و نضيف و ترتيب ممتاز. بس ملاحظات زغيرة انه الارض الي جنبهم بحطو فيها مواد تالفه ريحتها مقرفة و بتاثر عليهم و الموظفين الي واقفين برة بعضهم زنخين و مرة واحد كان ياكل بزر و يرمي عالارض

مول كتييير مرتب و ديكوراتو حلوه و ترتيب المكان و الخدمة جوا الموول ممتازة ....موقعو حلو و في كراجات واسعه تشكيلتو كل شي بدك ايااه موجود

بجب أروح عليه اذا بدي كمن شغلة لانه رايق أكثر من السيفوي مثلا، بس ما بشتري منه كثير أشياء لأنه سعره مش منافس، يعني ممكن الواحد ايروح على كارفور أو فود سيتي أحسن اذا كان بده يشتري أغراض كثير. المحل مرتب، ونظيف. فيه منتجات متنوعة وبركزوا برضو على المنتجات المستوردة ، يعني في مثلا وجبات وخبز مستورد من أمريكا وأشياء ما بتكون متوفرة بكل المحلات. المحل ببيع كحول ولحم خنزير وفي منتجات مجمدة( وجبات مجمدة أو كيك جاهز) بكون فيها منتجات خنزير بس بكون محطوط على العلبة تنبيه على هيك. المخبز منتجاته زاكية، بحب خبز الطابون وحمام النخالة وكريسينا نخالة، ومرة أخذت معمول كان منيح برضو. الملحمة جيدة وبرضو قسم الخضار والفواكه. المحل اله بطاقة خصومات (ذا كارد) من فترة لفترة ممكن يعمل عروض وممكن يبعتوا مسج بالعرض . في صيدلية فارماسي ون بالمحل عند المدخل الرئيسي. أسعار كوزمو بشكل عام أعلى من سي تاون وكارفور ومرات بفرق بنسبة جيدة بنفس المنتج. من المحل ممكن تروح على BHS و SmartBuy وباقي المحلات في المجمع، هاي النصيحة بس لسوبرماركت كوزمو بما انه المحلات الثانية موجودة بشكل مستقل على جيران.

في مصفات خارجية وتحت الأرض وخدمة اصطفاف. الموظفين بشكل عام جيدين بس كنت أحس التعامل كان أحسن زمان، بلشت أحس انه الموظفين مش كثير مدربين ومش بلباقة زمان. ومرات بكون في موظفين قاعدين بره عند المدخل بطريقة مش مريحة، مفروض ايكون في استراحة مخصصة الهم.

مكان مميز للتسوق بتلاقي فيه كل الأشياء اللي بتدور عليها.

بتلاقي عندو بضاعة ما بتلغيها في محلات ثانيه.

كوزمو مو خياري الأول لشراء البضائع بس بزوره لما بدي ادور على اشي ذو نوعية ممتازة او اشي غريب مو متوفر بالمحلات الأخرى او منتج بكون قارئ عنه فبدور عليه بكوزمو.

في كراجات و اماكن للصفات بش مشكلته انه اسعاره اغلى بكتير من باقي المحلات خاصة الخضراوات و اللحوم

مكان ميز جدا

دائما ما يعمل عرووض وتنزيلات

تجده مرتب بشكل جميل

متعاونيين

استمتعت بالذهاب اليه اكثر من مرة

انا من حيفا واتواجد في عمان بصورة دائمة بمجال العمل وعملي مختص بمجلات التسويق والاعمال الحرة

ولهذا زرت جميع اماكن التسويق في عمان كوزمو بمسوى جيد بس مايلز ارقى وكارفور اضخم من ناحية توفر المنتوجات

مجمع كبير بموقع ممتاز

اسعاره متنوعة بين المتوسط والغالي

بضائعه مختلفة

يمكنك الحصول على كل ما تحتاج بمكان واحد

السلع المتوفرة متنوعة ولديهم سلع غير متوفرة في اماكن اخرى مثل بعض الفواكه الاسيوية بتلاقيها عندهم

نظيف ومرتب

هادىء وممتع للتسوق

مواقف الاصطفاف متوفرة

وبالنسبة لمحلات الملابس في بعملو تنزيلات حقيقة في اوقات التخفيضات

كوزمو انا زرته مرتين فموقعه جيد وكبير ومرتب وله مواقف سيارات خاصه به وعنده كل شيئ من المواد التموينيه واكثرها اجنبي عالي الجوده وحتى الملابس والبياضات موديلاتها رائعه ومستورده واسعاها غاليه وذلك لجودتها ومنشاها ويوجد فرع لسمارت باي فيه فاللي ما زاره يزوره ويتعرف عليه

ممتاز و رائع و ما بحلالي الشوبنغ الا فيه :) مرتب و نظيف و الخدمة ممتازة و في اماكن لصف السيارات و في بطاقة بعملك اياه كوزمو انو بتجمع نقاط على كل دينار بتصرفه هناك و ممكن تبدل النقاط بكوبونات بقيمتهم " أيام الزنقات " و تدخل على سحب جوائز، كمان بكوزمو بتلاقي أشياء من موجودة بباقي المحلات :)