حلويات حبيبة

المشكلة يا ناس مش بحبيبه بالعكس كنافته طيبه المشكلة انه لما تحكي عن عاصمه سياحيه زي عمان وتحديدا وسط البلد مركز السياحة الاساس في الاردن ابسط متطلبات الانسان انه يلاقي كرسي يقعد عشان يوكل هالكنافة وكمان يتوفرله طاوله يحط كنافته عليها مش يظال شايل الصحن بايد والمعلقه بايد وكمان بسوى يتوفر كاسة مي والافضل بارده يبل المواطن ريقه فيها وبرظو ماوى عن الحر والشمس في الصيف والبرد والامطار في الشتاء هالماوى عبارة عن قاعة طاولات زي هالناس الواصله تضمن الابتعاد عن الشحادين والمتطفلين حتى ما تتشردق وانت توكل وبتضمن هيك كمان عدم الهجوم من البسس (القطط) عليك وكذلك انه الانسان يقعد وييجيه كنافته لعنده وكمان كاسة المية ولو اضطر واحتاج مغسلة وصابونه يلاقي مغسله يغسل ايدو مش يصف ع دور الدفع وبعدين يزاحم ع دور اخذ الصحن وقمة الانسانيه انك تشوف مناظر بدناش نقول حلوة زي مناظر او غيره ولكن اقلها ما تكون اكياس الزباله والقمامه حواليك بدخلة المحل كمان افرض الواحد اجا ع باله يوكل هريسه او اي نوع حلو بالعالم مش متوفر عنده باختصار اللي بحب ينذل ويتبهدل يروح يوكل صحن كنافه عند حبيبة اللي بوسط البلد اكبر مصيبه في وسط البلد عدم وجود محل حلويات ذو قاعة واسعه مخدومه بالعربي زي بكداش بدمشق وضع المحل الحالي ممكن يناسب الاولاد بس مستحيل يناسب الشباب والعائلات

كنافة حبيبة و بالتحديد فرع وسط البلد رائعة جدا كتيير زاكية و طعمها مميز و نظافة و خدمة التوصيل و التجهيز انا بخطبتي الكل حب الكنافة من عنده و خدمته بالحفلات و المناسبات

أزكى كنافة بقارة اسيا ومحل خرافي بس مشكلته دور طوييييل وبتطول بس جو حلو واسعاره رخيصة جداً .. الي ما راحه لازم يروحه

حبيـــــــــــــــــــبة ... أطيب واشهى كنافة واشهى حلويات ... ما بتزكر انه مرت مناسبة وما اخدنا من عند حبيبة ... لما بدك كنافة انزل ع وسط البلد .. وتحديدا ع محل حبيبة اللي بالدخلة بعد البنك العربي ... خد صحنك وكل بالشارع والله والله ولا ازكى منها .... بكفي الجبنة اللي بتمط فيها ياااااااااااااااااااااااسلام ..... النظافة ربنا الله انهم نظاف شو بدك احسن من انه الصحن والشوكة اللي بتاكل فيهم بتكبهم بإيدك بالزبالة بعد ما تخلص .. ... والله خليتوها بنفسي .. ان شاء الله اليوم وانا مروحة رح امر آخد من عندهم ...

بصراحه اطيب كنافه على الاطلاق...شعبي وبسيط و طيب....النظافه جيده جدا...الخدمه عاديه...اغلب الاوقات ازمه...يمكن المصفات صعبه بالبلد...لكن بالنسبه للطعم ممتاز للغايه

الخدمة سيئه للغاية و تعامل الموظفين تحت الصفر ... النظافة الحقيقة ضعيفه جدا و تحس من سدورة الكنافة اللي بتيجي اول باول (من غشمنة الناس) و خاصة اطرافها انها وسخه و ما بيسنضفوا يغسلوها ..

الحلويات لا تشترى من عندو .. و اذا اضريتوا اشتروا بس الكنافه لانو كل الباقي بايت و ما بيتاكل ..

و نصيحة جربوا مطعم القدس او جبري في وسط البلد ( لا يبعد سوى امتار عن حبيبه) ...

من وين أبلش بحبيبة.. كل شي فيو زاكي من الحلاوة العربية للكنافة.. مميز ما بتلاقي زيو جد بكل البلد.. بس صراحة ما عجبتني معاملة الكاشير.. وإحنا مناخد من عندو لما بدنا نسافر.. وكان دائما برضينا.. بس اخر فترة صار يدحش كل شس بكيس سفر شوي وبنمزع.. بشكل علم المحل نظيف وقعدتة حلوة.. والطعم ما بتلاقي منو بولا محل بالبلد.

يا سلام على حبيبه ، وخاصه الي بوسط البلد الي بتعطيهم دينار بيعطوك وقيه بصحن وعالواقف يعني فش مكان نقعد فيه ، وهون بتبلش المغامرة مع الكنافه الرائعه يعني بتغيب بعالم اخر وانتا عم تاكل فيها ، حبيبه بشكل عام رائع وحتى بالمناسبات فهو يقدم خدمات مميزة وعروض خاصة لتلك المناسبات ، بس ملاحظه صغيرة عن فرع وسط البلد الي بعطيكم الكنافه عالواقف يا ريت بس لو انه يكون في تنظيم اكثر يعني مع الضغط الي عليهم خاصه

كنافه حبيبه الناعمه انا اعشق طعمها الرائع والمميز فحلويات حبيبه من اقدم محلات الحلويات التي اشتهرت بعمل الكنافه وانا كل ما انزل على البلد لازم امر على حبيبه واكل كنافه فبالرغم من ان المحل صغير الا انه ما شاء الله الكثير من الناس واقفين وبياكلو الكنافه وعنده العديد من الحلويات غير الكنافه موجوده واجاتوهات الذيذه بكل احجامها والمحل نظيف والخدمه ممتازه وسريعه والسعر رخيص وله عده فروع في المملكه وشعاره حلاوه الضيافه

حبيبه يقدم حلويات شرقيه وغربيه ومشهور بالكنافه والهريسه الشامية وعدد كبير من الحلويات

يتميز بطعمتوا الرائعه

وبتلاقيه بكل مكان نتيجه لفروعوا المتعدده

بالنسبه لنظافه جيد جدآ والقائمين عليه محترمين ومزوقين

وهوه من المطاعم المعروفه بالبلد واسعاروا جدآ مناسبه

بنصح بزيارتوا