سمارت باي

اشتريت من عند سمارت باي ستيريو نوع بنسونيك ماليزي وعندما فتحت الكرتونة وجدت الفيش مكسور وقمت بتركيب فيش اخر وعندما قمت بتشغيله وجدت الدفيدي عامل والراديو فقط بينما الشاشة لا تعمل ولال اليو اس بي وعندما راجعتهم قالوا بان السبب يمكن بسبب تغيير الفيش وسيتم عرضه على الفنيين واخذ راي الوكيل لان تغيير الفيش يعني تغيير مواصفات الجهاز واثناء وقوفي كان عدد الناس الذين يرجعون مشترياتهم اكثر من الشارين.

المكان موقعو انا شفتو مناسب قريب على كتير مناطق بس الباركينغ صغير كتير

فكرة المحل و ديكور تقريبا 70% متل best buy الموجود بكندا بس مصغر بعشر اضعاف

الاجهزه الكهربائيه كلها و الالكترونيات متنوعه بتقدر تلاقي الماركه يلي بتعجبك والاسعار يلي بتناسبك

لانو عندهم الغالي كتيييير والمعقول

ولما يكون في تنزيلات وعروض والله بكون تخفيضات محرزه

المكان مرتب ومقسم كل شي بكورنر خاص ويلي ماعجبني بالمكان الموظفين زي الاطرش بالزفه ولا إلهم دخل وبس تسألو عن ايا شي بجي بقرألك الورقه الموجوده جنب الجهاز هو وقلتو واحد مابفيدوك بشي ولا لما سألتو وين بقدر الائي لاب توب HP بحكيلي لحظه اسأل الboss وراح ومارجع

لو بعملولهم دورات بكون احسن مشان راحة الزباين وراحتهم...

اشتريت شاشة ال سي دي نوع ل جي و الخدمة كانت جيدة، فيه مشكلة صغيرة بوقت التوصيل عندهم، ممكن مشغولين، الطاقم اللي جاء كان محترف، و لكن انا جربت اكثر من مرة ان اسأل مواضيع تحتاج ان يكون الطاقم في المعرض عارفا بمواصفات الاجهزة المعروضة و كنت كل مرة أسال أجابه برفع الحواجب، ولكن هاذي مشكلة بالبلد بشكل عام، لا يوجد تدريب كفاية و حتى لو كان هناك تدريب يكون هناك عدم اهتمام من الموظفين (برضو الرواتب صغيرة). و لكن بشكل عام اشعر بارتياح عند شرائي من سمارت باي اكثر من اي مكان بالاردن.

محل الكترونيات ضخم كبير في كل شي بأسعار مناسبة صراحة هذا افضل محل في عمان للألكترونيات في عمان فروحوا عليه انا بصراحة صرت شاري من عنده موبايل وبلايستيشن لابني وسماعات كلهم من احسن ما يكون وبسعر مناسب

سمارت باي مو متل ما بتهيّألك انو ممتاز و اسعارو منافسة و خدمتهم تمام، مبارح كنت بفرع شارع الجامعة، طبعا انك تلاقي مصف عندهم صعب، لأنو المصف كتير صغير، مشان تنزل على طابق الاجهزة المنزلية لازم تلف كل الطابق الاول، و هدا شي شوي مو متناسق، المكان وسيع، بس ما في تنوّع بالأجهزة من موديلات و انواع، بينعدو على الإيد، بالنسبة للأسعار فهي أغلى من الاماكن التانية، يعني غسالة نفس القطعة و المواصفات و اللون، فرقت من محل تاني بمعدل 30 دينار، ما بيعطوك خصم ازا انت كنت عم تجهّز و بدك تشتري كل الأجهزة من عندهم.

بقسم افران الغاز كان في فرن مكتوب من مواصفاتو انو Automatic Shuttdown !سألت الموظف ايش يعني ؟ صار يتحفتل و يفتح الفرن و يسكرو كإنو عم بدور على المعنى، ما عرف! قلت يمكن موظف جديد، راح سأل موظف تاني، اجى التاني صار يقرا، وبعدين بقوللنا والله اول مرة بسمع فيها!!!! ايش يعني اول مرة بسمع فيها؟؟ ما بعرف بس المفروض هدول الموظفين يكونو عم بروجو للقطعة او يفيدوك بإختيار القطعة الأمثل، بس الي شفتو هو العكس، ما عم بعرفو يجاوبو على اشئلة ممكن تميّز قطعة عن غيرها! بنصح المقبلين على الزواج انو ما ينغرو بالأسم الكبير، و يدورو على المحل الي بلبيلهم حاجاتهم و بقدملهم عروض مناسبة، خصوصا انو الاجهزة هاي سعرها غالي.

أخوي إشترى قبل ثلاث أيام تلفزيون باناسونيك من عندهم، ودفع حق الجهاز وما شاءالله على هيك تعامل، أخذ الجهاز على البيت، وبس فتح الجهاز لقى الشاشه مكسورة من جوا، حتى مفتته تفتيت، القشره الخارجيه للشاشه مش مكسورة ولا صاير فيها ايشي، حكى معهم بنفس اليوم حكولو بنجيب خبير يفحص الجهاز، واجا الخبير وحكى إنو الجهاز كان معطوب من قبل، وكتب تقرير للوكيل بالحكي إلي صار...بعد هيك قالولو لازم تستنى رد الوكيل، مع العلم، هوه إشترى الجهاز من سمارت باي، المفروض سمارت باي يتحملو المسؤليه... بس للأسف، خدو 600 دينار حق الجهاز وبطلو يعترفو بأي اعطال أو كفاله! حراميه ونصابين على مستوى يعني...إذا في حد بقراء هي النصيحة من سمارت باي، بتمنى يتوصل معي!

مكان متخصص للأجهزة الكهربائية والتقنية ، أي جهاز ممكن تلاقيه هناك ، مرات بيعمل عروض ممتازة ، على ما أعتقد مش كل الاجهزة فعلا بتكون أصلية ، الخدمات عندهم كتير ممتازة والموظفين فعلا فهمانين بالاجهزة وعندهم أسلوب منيح ، فيه قدامو مكان للأصطفاف .

يعني ... أحسن شوي من فرع الدوار السابع .. إشتريت من الفرع كاميرا ديجيتال و شواية و سماعة ... و لقيت حدا يساعدني في شرح مواصفاتهم .

يعني بتلقي في كتير من الاجهزة الالكترونية المختلفة

والاجهزة الخليوية ( نوكيا ، سامسونج ، الخ

بعمل عروض قوية اوقات

فعلا مكان بالمرة سيء مع انا جهزنا كل البيت منو لكن حجم الضرر والمعاناة كان كبير ولا أنصح أي شخص بزيارته حتى الكهربائيات معطوبة وتباع على أساس جديدة وخدمة ما بعد البيع غير موجودة ومستعدة لمشاركة الجميع بالصور.

القصة هي أنه يوم الخميس انفجر فينا فرن الكهرباء نوع جلم تماما معرض حياة الجميع للخطر والزجاج والشظايا في كل مكان والله ستر انو ما كان في أطفال لأنو لو كانو على مستوى الأنفجار كان مصيبة. والفرن لم يستعمل سوى مرات معدودة منذ شرائه مما يثبت انه معطوب وفيه عيوب مصنعية . اتصلنا مع سمارت باي وقدمنا بلاغ بعد معاناة البرود وعدم التواصل من الموظف وكل همه بدل سلامة الزبون هو تكلفة الزيارة على مين وتكلفة الاصلاح على مين ومن وقتها ونحنا حايصين بين سمارت باي وبين درويش الخليلي اللي بقولنا راجعوا الفرع الي شريتو منو واللي بقول مافي قطع غيار. وللعلم الفرن سعرة مبلغ وقدرة. فنصيحة أن لا يقترب من هذا المحل حتى لا يعاني الخطر وعدم الاحترام والمعاملة غبر المهنية.