صب واي

غالين على الفاضي لا انصح فيه

هذا المكان له ذكريات مع ايام الرياضه والريجيم

افضل مكان اكل منه بدون ذنب اني خبصت بعد رياضه

واحلي شي فيً فرع قريب من نادي قولد جيم اخلص رياضه واروح اخد منه بسبب اقعد ساعات في النادي بدون اكل غير اكل النادي اللي يكرم النعمه بس وغالي ع الفاضي فاخلص واروح سب واي

ودايما اخد منه ًياتركي يادجاج مشوي مع عيشً اسمر وجبن ابيضً وخضار منوعه مع خل واريجانو بدون مايونيز يطلع شي

Great food very very hygienic and healthy fast food ! One can only eat fast food from one restaurant even if on strict diet that is subway !

صًب وآي لا بل ملك السندوتشات الكلاسيكية ابتدأ ا من ب م ت الكلاسيكي الغني باللحم والالذ طعما وسندوتش سناك المعروف 6 انش وتعتبر السلطة من لائحة الطعام التي تضاف الى السندوتش وتعدد الصلصات الخالية من الدسم والمايونيز والخبز المتنوع لديهم وكذلك الاجبان ويعد من المطاعم التي تهتم بصحة زبائنها واعدت لائحة بسبعة سندوتشات لايتجاوز فيه نسبة الدهون 6غرامات ولقد حسنت وجبات الاطفال بأستبدالها المشروب الغازي الغني بالكربون بعبوة عصير وحلى الفاكهة الغني بفيتامين ج

مطعم صب واي في جدة نظيف جدا واكلهم صحي عندهم اكلات منوعة

واحلى شي انه تقدرو تختارو الاضافات اللي على السندويتش وكمان عندهم كوكيز مرة جيدة

الخدمة في صب واي ممتازة

والله المطعم جداااا ممتاز واكله نظيف وخصوصا لاصحاب الريجيم

اكل شهي و اختيارات متنوعه من خبز إلى صوص

وانا انصحكم جربو دجاج تريآكي مع المخلل + صوص باربكيو + صوص ماسترد هني

والاسعار رخيصة يعني فحدود الـ 20 ريآل على حسب حجم الوجبة

عنده سندويشات قليله السعرات الحراريه ،و عنده تشكيله كبيره من الاضافات ممكن تختار منها ،اطيب شي عندو التركي و الروست بييف ، النظافه ممتازه اسعاره معقوله

من المطاعم اللي تعجبني الوجبات عنده اكثر وجبه افضلها الدجاج المشوي واخذها بالخبز الاسمر والحلو هو تنوع الصوصات انا بصراحة احتار بينهم عشان كدا اخليه يحطلي من المكس اللي يكون من جميع الانواع

الاسعار جيدة ومناسبة جدآ المحل نظيف والخدمة جيدة وعلى طول الطلبات متوفر حتى السلطات طازجة على طول .

بسم الله الرحمن الرحيم

صب وأي..مطعم فرررق الكثيييير عليا

اسعاره جدا ممتازه

اكله نظييف جدا

خدمته جيييده

اصنافه جيده دجاج ولحم وتونه

وانا عن نفسي كممارس لرياضه الحديد

فرق معاااااياااااا كثييييييييييير المطعم دا

بالذات صدر الدجاج المشوي الروستد

بحكم البروتين

غييييييييييييييير السلطاااااااات من اروع مايكون

ومتواجد

واحلى شي بالمطعم مافي كلمه خلص او مافي

وعندكم متواجد الجبن الابيض(الدايت) بصراحه حاجه خرااافيه

باقي الاصناف أحب التونه كذالك

بس في كرات اللحم احس ان طعم البهار اكثر من طعم اللحم عن نفسي اشوفها وجبه غير جيده بالنسبه لي

الكوكيز وما ادراك وياحلاته

لكن صادف قبل فتره انقطاعه من المصدر

حاجه ضايقتني كثيير

لكن رجع وانا باخذ منه بس واحد بالاسبوع بحكم الدايت

واحلى ما بالكوكيز التسخين بصراحه بيعطيه طعم ولا اروع وللامانه

مافي كوكيز زي التابع لهم..

بس في حاجه بتضايقني

ان التروبيكانا بريالين بالسوق وعندكم بأربعه ريال وانا ما باخذه من عندهم باخذه من السوق بريالين

وهذا شي بيضايقني

للامانه مطعم رااااائع

كمان عندكم السلطه

بحب فوقها الليمون فقط..وفاالنادر احط صوص إيطالي على خفيف

الهوت دوق رااااائع وبالذات مع الخردل اللى احسه خردل من جد لوووووووووول

عموما فرع طريق المدينه عند المحطه جدا حلو بروح له دائم

وفرع الرويس او البغداديه..بروح لدا الفرع لمن بطلع قروب مع الشباب بحكم انه جدا كبيييير

بصرااااااحه مطعممي الأول مصنفه

على الخط ياصب واي على طول معاك

يعجبني صب واي لان الاكل فيه صحي وطعمو لذيييذ وانا على طول بتردد عليه احيانا يكون بشكل يومي دايم اخذ دجاج مشوي مع الاضافات والصوص بختار المكس اللي يكون من مخلوط من كل شي والخبز افضل الاسمر لان نوعية خبزهم ممتازة خصوصآ الاسمر

احب اشوفه وهو يحضر الوجبة لانه بيعمل كل الوجبة بعد طلبها وكل المكونات طازجة امامي وانا اختار اللي افضله منها

الاسعار متوسطة او يمكن اغلى من محلات الوجبات السريعة بقليل .

انا من محبي وجبات صب واي خصوصا وجبة دجاج ترياكي

يعجبني انو تحضير الوجبة يكون امامي مباشرة وان اللي اختار المكونات بنفسي ابتداء بالخبز وبالاخير نوع الصلصة

وانا بحب اعمل خلصة من مجموعة اختيارات والنتيجة لذيذة مرة

السعر اشوفه غالي شوي لكن بالنسبة لوجبة صحيه فهي تستحق .

احبه لسبب مهم وهو ان مافيه زيوت ولا قلي

والسبب الاخر انني اختار الاضافات من الخضار والجبن والصوص

تنوع في الخبز وافضل البر (الاسمر) ممتاز

والنظافه عندهم مهمة والاسعار معقوله

عنده الساندوتش العملاقه وصينيه الحفلات تصلح لحفلات النجاح للصغار بدل الهمبرجر والبيتزا المشبعه بالدهون ، وطريقتها حلوه واسعاره مناسبة

وعندهم تشكيله كبيره وفيه ساندوتش دايت

صحن السلطة تبعهم مميز جدا بقيمة 11 ريال

يقترح إضافة ملعقتين تونة وقطعتي جبن مع صوص ثاوزن آيلاند

جربوه راح يعجبكم .

ممتاز جدآ خصوصا لما تبغى تاكل اكل صحي

سندوتشاته لذيذة لانك بتختار كل المكونات على ذوقك ابتداءآ من نوع الخبز الى نوعية الصوص عليه

السعر مناسب لان الوجبة مشبعة جدآ

النظافة فوق المستوى لان كل شي بيجهزونه قدامك

الخدمة ممتازة والتعامل جدآ راقي .

صب واي ممتاز للي يبغى أكل منخفض السعرات الحرارية

عندهم عدة خيارات للخبز

محتويات الساندوش من السلطات والصوص

ميزة المطعم انك تختار المكونات بنفسك بداية بالخبز وانتهاء بالصلصه او الاضافات

فيه عندهم دجاج الفاهيتا طيب مره وانصح فيه

وكمان شكن تيرياكي و شكن منهاتن وكلها لذيذة مرة

الاسعار شوي مرتفعة لكن المطعم يستاهل .

صًب وآي من افضل مطآعم الفآست فود ،

من نآحية التقديم و الطلبآت مآ واجهتني معاهم اي مشكلة =)

و لـآحظت ان اللي يشتغلو بالمحل اغلبهم مبتسمين و تعآملهم ممتآز

و الشي الكويس لهم فروع كثيرة ف انحـآء جدة ..

تعدد الخيآرآت و انهم يجهزو الطلب قدامك هاذي من الاشيآء الكويسة ،

و الساندويتش مشبع و ما يسبب اي تخمه .. و اسعارهم جيدة

تعدد الصلصات كمآن من و من احسنهآ "باربكيو صوص - فرانش تشيز "

بس المحل اظن خدماته مناسبة على مستوى "الأفرآد"

و انصًح الكل ب التجربة =)

اكثر شيٌ عجبني فيهٌ انو مهتمين بالسعرات الحراريهٌ وحريصين انو الاكل يكونٌ "طعم ونكه + فائده غذائيه "

والحلو انو تقدر تختار نوع الخبزٍ + الخضأر اللي تحب يحطوهأ واللي ماتحب يشيلوهأٌ ~

واكيد النظافه مره كويسهٌ ~

كلهم تعاملهمٌ حلووً الموظفين الا واحد بنقاليٌ اظن في الصيرفي يجيب الضغطً *_*

بسم الله الرحمن الرحيم

من تجربتي لهذا المطعم أعجبت فيه تماماً والسبب أكلهم نظيف والمحل والقائمين عليه وضعهم نظيف ومع أني ما أشرب بيبسي المكاين ولاكن عندهم البيبسي شي ثاني ، اللي يعجبني فيه التشكيله المتنوعه والصحيه ومجموعة الخضار اللي تفتح النفس من لونها وطعمها ولك حرية الأختيار في كمية ونوع الخضار اللي تبغى تضيفها ، وأهم شي بالنسبه لي عدم الاحساس بالتخمه بعد أكل الوجبه. ولا تنسوا بعد الوجبة تاخذو وبالعافيه عليكم كم حبة كوكيز تحلو فيها.

صراحه انا احب اكل صبواه مو بس عشنه صحي لاعشان كمان انا اسوي علطول رجيم وهوا ينفع لليبغون يسون رجيم لانه

1_اكله صحي بس بدون الشخص مايطلب يضيف شطه او مخللات اوزيت اوميونيزاوجبن وخصوصاالطماطم لانها تحبس المويه بلجسم

2_انا لمااخدساندوتش افضل اخدالخبز النخاله واخلي الفلبيني يشيا العجين ويكتري الخس والخيار ويحطلي السمك لانه اخف

شي من جد لما اكل هداك الساندوتش مقدربعدها احط شي في فمي لان الخضروات الي فيه احسها عبت معدتي واوقات اخد معا الساندونش صجن سلطه احب السلطه بس اخليه يحط ليمون وخل لو اكلتها قبل الساندوتش مقدراكمله

3_الحلو فيهم نظافتهم العمال يشتغلون قدامك ولابسين جونتيات يعني تاكل وانت مطمن والمكان هدوء

4_الاسعار شويه غاليه بس مقبوله لانه صحي الواحدياكل وهو مطمن

5_انصح للي يسون رجيم يروحوله وانشالله بينحفون

صب واي

عندهم تشكلية منوعة من السندوتشات الخفيفة الظريفة وأكلهم صحي واسعارهم غالية شوي بس خدمتهم جيدة والنظافة لا يعلى عليها وإستقبالهم جيد لزباينهم جربوه ولكم إحترامي وتقديري.

صب وي باختصار يعتبر من مطاعم الحمية ؟

1- وجباته يعتبر من الوجبات المشبعة والخفيفة على الجسم بمكوناتها الصحيّة اللذيذة وسعراتها الحرارية المنخفضة .

2- نظافة المحل تعتبر من أنظف المحلات .

3- تعامل راقي من المباشرين للزبائن .

4- اسعار متوسطة إلى مرتفعة إلى حدّ ما .

5- تستطيع تسخين الوجبة في حال طلبك ذلك .

6- خيارات متعددة للوجبات حسب الرغبة .

7- ميزة الساندويش مهما كان حجمه تستطيع أكله بدون احساس بالتخمة وهذه ميزة من صالح هذا المطعم .

8- الجو العام رائع للمطعم مع امكانية متواضعة للديكورات .

9- جميل أن يجتمع به الأصحاب لأكل وجبة صحية وخفيفة وممتعة .