Mayada Al Haj

Mayada Al Haj

الدمام . منذ نوفمبر 2010
4 من المراجعات
من وجدوا مراجعتي مفيدة
9
مراجعتي كانت الأولى
1
مراجعاتي
4
صوري
2

مراجعاتي

  • Review by Mayada of منتجع و فندق البحيرة
    قبل 8 سنوات
    المكان روعة وبجنن وبتحس حالك لما تدخله كأنك داخل على حلم من الحقيقة. أكله مو طبيعي والبوفيه تبعه بشهي بخليك بدك تضلك آعد كل الوقت فيه. البحيرة غير مسبوقة لا في الأردن ولا في المنطقة العربية كلها. وفي منطقة خاصة للنساء، وهذا الشيء برأيي كمان سبق، لأن المرأة المحجبة بتتغلب تلاقي مكان للسباحة في الهواء الطلق مميز وهادي وراقي بنفس الوقت. وأحلى ما في المكان إن خدمته خمس نجوم ومع ذلك ما بقدم كحول، وهاي نقطة مهمة كنا نتغلي في إيجادها سواء هون بالأردن أو أي أماكن سياحية بالوطن العربي. الغرف فيه مطلة عالبحيرة، مرتبة كتير ونضيفة، وأسعارهم معتدلة ومناسبة جدا ومنافسة، ما بتوقع نلائي أحسن من هيك أسعار. أنصح الجميع بالإقامة فيه لو على الأقل ليلة وحدة، وعلى فكرة هو بوفر كمان شغلة كتير مهمة وجديدة وهي إنك ممكن تشتري حصة بالمنتجع، في مقابل إنك تستخدم أسبوع كامل في البحيرة لمدى الحياة، وبتقدر تهدي هذا الأسبوع كمان وبيتورث.
  • Review by Mayada of تي جي اي فرايدايز
    قبل 8 سنوات
    مطعمي المفضل لدرجة إن كل اللي بعرفوني إذا بحبوا يعزموني على مكان بكون فرايديز هو أول خيار، ما عمري جربت عنده شي مو طيب، وبرجر الكاوبوي الجديد بجنننننننننن بنصحكم تجربوه، الحلويات عنده طبعا خيال، بس السلبية الوحيدة اللي بشوفها إن العصائر والمشروبات غالية كتير فما بحب أطلبها من هناك لأن ما بحسها بتستاهل كتير. لكن إجمالا المحل نضيف واكله ذو جودة عالية، الموسيقى ماشي حالها أحيان بتكون صاخبة بس يعني هيك جو المحل وهويته وبعجبني كمان لما النوادل بعملوا وصلة موسيقية، ما بعرف هيك بتعجبني. الأكل بطول شوي لييجي، بس لما ييجي بتنسى الدنيا وإنت بتاكل فيه^_^
  • Review by Mayada of مطعم هيوستن
    قبل 10 سنوات
    مطعم روووووووووووووووووووووعة
    نضيف ومرتب وأجواءه رومانسية خرج الواحد يغير جو هناك أكله كتيييييييير طيب، أنا بحب الأكل عنده من ألبي، وبشتهيه من فترة لفترة. صحيح غالي، بس بعجبني بكل فروعه، عبدون، الشميساني( حبيته أكتر) وحتى الإكسبرس بمكة مول وجبته كتير كبيرة، بالعادة باكل نصها والبائي تيك أويي :) لكن خيارات الحلويات مو متنوعة كتير محدودة كتير بنصحكم تجربوه
  • Review by Mayada of شاورما ريم
    قبل 10 سنوات
    كتير طيبة الشاورما عنده إلها مذاق مختلف ببساطته وعمقه بنفس الوقت. بتعجبني أكتر من أي شاورما تانية. مشكلة المكان إن ممكن تتخالف مخالفة ب 15 دينار عشان تشتري ساندويش ب 60قرش ههههه
    لكن إذا لقيتوا مصفات، فالسانندويش تبتعتهم تستحق الزيارة. وكمان في شغلة حلوة إن أصلا منطقة الدوار التاني اساسا حلوة، فممكن تعمل مشوار صغير حلو تعزم العيلة أو أصحابك عزيمة غير مكلفة نسبيا، وتاكلوا تتمشوا بنفس المكان اللي بشوفه أنا منعش ورومانسي
  • Review by Mayada of ريم البوادي
    قبل 10 سنوات
    مطعم بجنن كتير حلو بكل شي، من الديكور للخدمة المميزة، للأكل الطيب والقائمة المنوعة
    البعض بيؤول سعره غالي، لكن أنا شايفة مقارنة بالمطاعم الأخرى اللي من نفس المستوى، إن سعره مقبول ومعقول وبيستاهل. أطيب شي عندهم المنسف مممممم :) والمشاوي بتعئد والمقبلات، والكوردن بلو، والسلطات والمشروبات يعني باختصار كل شي طيب ومناسب كتير للعزايم واللمات العائلية في المناسبات متل رمضان والأعياد أو المناسبات العائلية المختلفة
Next

صور أضفتها

مكان فعلا روعة
كأنك بالبحر